Kushdo që përdor kompjuterat, është i pambrojtur nga paditë e mundshme për shkelje të një apo më shumë patentash në këtë fushë. Kur vjen puna për ata që e shfrytëzojnë për të kryer biznes, apo një pjesë të tij, hipotezat bëhen më të frikshme. Sipas një shembulli të përmendur nga End Software Patents:
Nëse shisni online, sipas llogarisë më të freskët ka 4319 patenta që mund t’i keni shkelur. Nëse në plan keni edhe reklama, pagesa dhe planifikim dërgimi mallrash, lypset ta keni mendjen te rreth gati 11000 patenta.
- Shembujt e patentave të marrëzishme janë të shumtë. Nga ky ngjyrim nuk bëjnë përjashtim shumë nga patentat për software. Ja disa prej atyre të miratuara tashmë në Evropë:
-
- Webshop: Shitje gjërash përmes një rrjeti duke përdorur një shërbyes, klient dhe përpunues pagesash, ose duke përdorur një klient dhe një shërbyes – EP803105, EP738446, EP1016014
- Porositni përmes celularit: Shitje përmes një rrjeti telefonie celulare – EP1090494
- Shportë blerjesh: Shporta e blerjeve elektronike – EP807891
- Marrje kyçi përmes SMS-je: Dërgim kyçi për çkodim të dhënash të blera përmes një rrjeti të telefonisë celulare – EP1374189
- Parje filmi: Video streaming (video sipas kërkesash, e fragmentarizuar) – EP633694
- Mbrojtje nga kopjimi: Kodim kartelash që kështu të hapen vetëm në pajisje të autorizuara – EP1072143
- Kartë krediti: Pagesë me kartë krediti në Internet. – EP779587
- Përshtatje faqeje: Prodhim faqesh të ndryshme web në varësi të pajisjes ku do shihet – EP1320972
- Kërkim huaje: Aplikim i automatizuar për hua – EP715740
- Pagesë e sigurt me kartë: Sigurim pagesash online me kartë krediti/debiti me kod PIN – EP1218865
- Dërgim porosish: Dërgim porosish në përgjigje të kërkesës – EP986016
- Dërgim: Nisje artikujsh te pika e saktë e marrjes së shërbimit të përdorur për dërgesa – EP1181655
- Sistem asistence: Sistem asistence i bazuar në përgjigjje ndaj pyetjesh – EP915422
- Paraparje kapitujsh: Përdorim i TV-së si metaforë për përzgjedhjen e copëzave të ndryshme video – EP670652
- Figurë: Ulje kohe ngarkimi të faqes duke ulur automatikisht cilësinë e pamjes – EP992922
- Përfundime të afërta: Shfaqje përfundimesh të afërta, nëse klientët i pëlqejnë ata të tanishmit – EP628919
- Kod uljeje çmimi: Dhënie nga ana e përdoruesve të kodeve për ulje çmimi. – EP929874
- Web-to-Print: Prodhim formatesh prepress ose të gatshëm për shtypje, nga modele me qartësi të ulët përmes Internetit – EP852359, EP1169848
- Studime të pavarura kanë treguar se roli i patentave në nxitjen e risive në fushën e software-it është i papërfillshëm. Të njëjtat studime ripohojnë ndikimin e pakët që kanë mbi vendimet e dikujt që fillon një veprimtari të re ekonomike. Atëherë kush përfiton prej tyre? Mbajtësit e patentave, që për hir të këtij atributi, mund të hedhin në gjyq cilindo dhe të kërkojnë dëmshpërblime për shkelje patentash. Dhe taborët e avokatëve të rreshtuar pas të dy palëve në një çështje. Sipas llogaritjesh nga End Software Patents masa me sa rëndohen kostot e ndryshme për shkak të shpenzimeve për çështjet gjyqësore në këtë fushë në Sh.B.A. është diku te 11 miliardë USD në vit. Ai që përfundimisht mban në kurriz këtë peshë është konsumatori i thjeshtë.
Peticionin në Shqip mund ta lexoni dhe firmosni këtu.
Shpërndajeni me Mënyra të Tjera:
Lini një Përgjigje
Për të postuar një koment, duhet të jeni i futur.