Programe Shqip : blogu

Linutop do të jetë një sistem Linux, që për 280 Euro do të ofrojë një sistem pa hard disk, i tëri në një kujtesë ROM, ndaj pritet të jetë i shpejtë, i heshtur dhe me konsum energjie shumë më të ulët se sa makinat e tanishme: vetëm 6W! (Krahasoheni këtë me 450W që kërkon makina ime e sotme.)

Me AbiWord-in si program shkrimi dhe përpunimi tekstesh, Evince PDF si lexues PDF-shë, Firefox-in si shfletues Web, Gaim-in si program fjalosjesh dhe Totem për të luajtur media përbën një alternativë të zgjuar për këdo që nuk e interesojnë lojrat në kompjuter dhe i nevojitet një për në shtëpi.
4 portat USB mjaftojnë që të lidhet me të një hard disk i jashtëm për ta shdërruar në një qendër multimedia, e cila nuk do të kishte zhurmën e kompjuterave të sotëm.

Etiketa: AbiWord, Evince PDF, Firefox, fjalosje, Gaim, hard disk, kujtesë ROM, Linutop, porta USB, shfletues, Totem

Moishe Lettvin, një programues që ka punuar për Microsoft-in,
përshkruan rrugën e gjatë dhe burimet njerëzore të përdorura për një menu të MS Vista-s, si humbje kohe, si proces të mbytur nga burokracia që zvarritet një vit për diçka që lyp vetëm pak javë e shumta.
Përfundimi i punës njëvjeçare të 40 e ca vetëve të përfshirë në proces është një menu e kritikuar me të drejtë.
Ja pse Microsoft nuk arrin kurrë të mbajë premtimet as për afatet, dhe as për cilësinë e produkteve të veta.

Etiketa: Microsoft, programues, Vista

Sapo është zbuluar një bug në Përgjegjësin e Fjalëkalimeve të Firefox-it. Bëhet fjalë për një të metë në pjesën e Firefox-it që administron fjalëkalimet që ky ruan për ju, për t’i dhënë në mënyrë automatike kur ju i ktheheni së njëjtës faqe. Kjo ndodh vetëm nëse, te rregullimet e Firefox-it, i kërkohet shprehimisht të funksionojë në këtë mënyrë. Nëse nuk i kërkohet shprehimisht te rregullimet, shfletuesi nuk ruan fjalëkalime që jepni gjatë kohës që vizitoni faqe të ndryshme.
Problemi i tanishëm qëndron në faktin që mekanizmi nuk kontrollon mirëfilltësinë e faqes për të cilën qenë ruajtur të dhëna hyrjeje (login). Kështu që një faqe e dytë brenda të njëjtit shërbyes që shërbeu të parën, e stisur për qëllime vjedhjeje identitetesh, mund të bëjë të mundur vjedhjen e fjalëkalimeve të ruajtur.

Heise ka krijuar dhe një faqe test (në Anglisht) për përdoruesit e thjeshtë, prej nga ku këta mund të shohin nëse shfletuesi i tyre vuan nga kjo e metë apo jo.
Është pranuar ekzistenca për IE7, pra as IE7 nuk i mbron përdoruesit nga e meta e zbuluar. Duket se Opera është në pozicionin më të favorshëm. Nga Mozilla po punohet për një zgjidhje sa më të shpejtë. Deri atëherë, këshillohet çaktivizimi hëpërhë i Përgjegjësit të Fjalëkalimeve.

Etiketa: bug, Firefox, fjalëkalim, mirëfilltësi, Siguri, vjedhjeje identiti

Një projekt i ri nga Bruce Perens.
Për një ide përmbledhëse mbi shtysat që nxitën projektin mund të lexoni këtë artikull.

Nga komentet në web për projektin:

…am not sure but I think that the advantage of what he has proposed is that advertisements on the parking page could be used to both pay for the bandwidth and possibly bring revenue that could be donated to OpenSource projects. Why park your domain on your registrar’s parking servers when you can both provide revenue and ensure that the parked site is registering as running on an open platform? Geeks love to show their love for O/S, this is their chance.

…They will be in the Netcraft report whether anyone submits them or not. My primary goal was to take the “appearance only” Netcraft report share away from IIS / Windows. But others have shown that advertising on parked domains is effective, and Free Software can use the funds. If I can get up to 750K hits/month, we can start using Adsense for Domains. With lower numbers, other services are available.

Things I’d use the funds for:

• Maintaining the parking infrastructure.
• Building a real PAC (political action committee) for Free Softare

Thanks

Bruce

Etiketa: Bruce Perens, Burim i Hapur

Shërbimi Google Earth, që lejon vëzhgimin e zonave të ndryshme të planetit tonë sipas dëshirës, tashmë mund të kihet edhe për Linux. Për këtë ju nevojitet një makinë Linux deri diku e përparuar dhe e aftë, hollësitë për sistemin e nevojshëm përshkruhen më gjerë në faqen përkatëse të Google-it.
Lidhja që duhet ndjekur për shkarkimin është kjo.

Instalimi për Linux, Fedora Core 5 në rastin e sistemit tim qe punë 5 minutash dhe përfundoi me sukses. Pas nisjes për herë të parë, programi u ankua për OpenGL dhe këshilloi përditësim të kartës grafike që kështu programi të mund të xhirojë me shpejtësi të pëlqyeshme.

Etiketa: Fedora, Google Earth, OpenGL, shërbim, sistem i nevojshëm

Java pritet të kalojë në burim të hapur deri për Krishtlindjet. Lexoni më tepër te kjo lidhje.

Etiketa: Burim i Hapur, Java

Gaim, i cili po i afrohet versionit 2 mund të rregullohet për të punuar me shërbimin Google Talk.
Te kjo lidhje shpjegohet shkurt dhe qartë se si bëhet rregullimi në fjalë.

Etiketa: Pidgin

Flash Player 9 mund të kihet edhe për Linux. Nga kjo faqe mund të shkarkohet versioni përkatës sipas sistemit operativ që përdor secili. Një provë e parë me versionin për Linux eci me sukses, të paktën për Firefox 2. Udhëzimet për instalimin gjenden brenda një kartele tekst. Vetë instalimi është thjesht kopjim i të ekzekutueshmit në vendin e duhur, dhe ndryshimi i lejeve mbi të në rastin e Linux-it.

Etiketa: Flash Player, i ekzekutueshëm, leje, Linux

Sot është njoftuar, përmes një artikulli tek Shekulli, mbi qarkullimin e paketës së programeve për zyra MS Office edhe në Shqip. Lajm që ka gjëra të mira si fillesë, gjuhën shqipe të paktën.

Dyshimet lidhur me temën fillojnë me kujdestarinë e këtij produkti që pretendohet ta ketë dega e Microsoft-it për Europën Juglindore a Ballkanin Perëndimor, ndërkohë që Serbia dhe Mali i Zi kanë përfaqësim të tyrin në site-in e Microsoft-it, madje edhe Vietnami, madje madje edhe Luksemburgu! Nëse bëhet fjalë për produkte në Shqip dhe institucionalizim të tregut shqiptar, pse mungojnë ende hollësi të tilla?

Çmimi është i tejkripur. Aq më keq që për MS Office ka sot alternativa nga hambarët e burimit të hapur (OSS/FS), falas krejtësisht e në mënyrë të ligjshme. Po përmendim OpenOffice.org. Alternativa të tilla që kanë tunduar edhe ata që i kanë të shtrirë produktet MS në organizmat e tyre, le më atij që do t’i duhej t’ia niste nga e para.

Pyetja shtrohet, nëse interesi publik është i pari që kërkon përkujdesje, pse qeveria duhet të pranojë krushqi me MS-in me haraçin e USD $750 për një licensë Office-i? (Sa i duhet të blejë vetëm për nevojat e veta?). Kjo nuk është ekonomike, ndërkohë që të njëjtat gjëra mund të bëhen me programe si OpenOffice.org, dhe me kosto të papërfillshme për pajisjen e makinave me këtë alternativë.

Deri këtu marrim parasysh vetëm koston për blerjen e programit, dhe nuk shqyrtojmë aspak kosto të tjera anësore apo hollësi që lidhen me zgjedhjen e bërë (pasja e një formati të hapur dokumentesh që garanton përputhshmëri në të ardhmen, pavarësinë nga një shoqëri që prodhon produkte pronësorë dhe që ka treguar se arsye të të qenit ka fitimin ekonomik, efektshmëria në punim me njërin apo tjetrin program, etj.)

Ka jo pak mjegull në lajmin e botuar te Shekulli. Duhet pritur që disa gjëra të shpalosen, sidomos nëse bëhet fjalë për zotime qeveritare, për premtime ndaj saj.

Ndërkohë që për përkthimin në Shqip nuk mund të thuhet asgjë, ngaqë nuk dihet të jetë diskutuar gjëkundi në publik, pra jashtë zyrave të atyre që e kanë prodhuar.

Etiketa: efektshmëria, format, interesi publik, MS Office, OpenOffice.org, përputhshmëri, pronësor, shqip

Jo gjithkush e sheh botën me optikën e Gates-it, për fat të mirë: Why Does Windows Still Suck? / Why do PC users put up with so many viruses and worms? Why isn’t everyone on a Mac?

Etiketa: Bill Gates, Mac, PC, virus