Merrjani Dorën Web-it – një seri përkujdesoresh të shkurtra mbi përdorimin e Internetit
E para i kushtohet sigurisë kibernetike dhe e gjeni këtu.
Arkivë për etiketën 'sajt'
Si ta kuptoj që lidhja ime me një sajt është e sigurt?
Firefox-i ofron një veçori sigurie që ju jep më tepër të dhëna rreth sajteve që vizitoni. Mund të zbuloni shpejt e shpejt nëse sajti që po shihni është i fshehtëzuar, nëse është i verifikuar apo jo, kush është i zoti, dhe kush e ka verifikuar. Kjo do t’ju vinte në ndihmë për shmangien e sajteve dashakeqë që provojnë të shtien në dorë të dhëna tuajat personale.
Butoni i Identitetit të Sajtit gjendet te shtylla e vendeve, në të majtë të adresës web:
Kur shihni një sajt, Butoni i Identitetit të Sajtit do të jetë në formën e një prej pesë ikonave – një rruzull gri, një trekëndësh sinjalizimi gri, një trekëndësh sinjalizimi portokalli, një dry gri, ose një dry i gjelbër. Secila prej tyre i përgjigjet një gjendjeje të caktuar identiteti të sajtit dhe të lidhjes suaj me të.
Në varësi të këtyre gjendjeve, mund të vendosni më mirë se si të ndërveproni me një sajt të dhënë, për një veprim që duhet të bëni në të, fjala vjen dhënia e një fjalëkalimi, apo të dhënash të tilla si numra kartash krediti apo identifikues unikë tuajt.
Për një shpjegim më të hollësishëm, shihni artikullin (në shqip) te Asistenca për Firefox-in.
